एक्सरसाइजको विकल्प के ?
शरीरको तौल केही किलो कम गर्न ट्रेड मिलमा दौडेको दौडै गर्नुहुन्छ वा जिम गइरहनुहुन्छ भने निकै राम्रो हो । तर कहिलेकाहीं अल्छी लाग्छ भने चिन्ता नलिए हुन्छ । सेक्सरसाइज अर्थात् यौनसम्पर्क एक्सरसाइजको विकल्प हुन सक्छ । एउटा अध्ययनमा के दाबी गरिएको छ भने स्वस्थ यौनक्रियाले क्यालोरी कम गर्न सकिन्छ, आधा घन्टामा २ सय ५० क्यालोरी ।
'महिलालाई यौनको माध्यमले समेत तौल कम गर्न सकिन्छ भन्ने जानकारी भए,' उक्त अध्ययनमा उल्लेख छ, 'उनीहरूले एक्सरसाइजको विकल्पका रूपमा यौनमा बढी रुचि देखाउनेछन् ।' सर्वेक्षणको हवाला दिँदै यस्तो दाबी गरिएको हो ।
यसबारे सर्वेक्षणमा ७६ प्रतिशत महिलाले कठिन व्यायाम गर्नुको सट्टा स्वस्थ यौन समागमलाई नियमित दिनचर्यामा सामेल गर्नमा बढी रुचि देखाएको अध्ययनमा उल्लेख छ । त्यसमा भनिएको छ, 'स्वस्थ यौनसम्बन्धले पनि क्यालोरी बढाउन सकिने जानकारी पाएपछि उनीहरूले यसतर्फ चाहना देखाएका हुन् ।'
यति मात्र नभई, कुनै जिमखानाको सदस्यता लिएका दुई तिहाइ महिलाले उक्त अध्ययनमा भने, 'यौनको माध्यमले पनि जिममा गएर कसरत गरे बराबर क्यालोरी अर्न गर्न सकिन्छ भन्ने थाहा पाएर हामी औधि खुसी छौं ।' उनीहरूले यो पारम्परिक वर्कआउट (यौन) लाई अपनाउँदा राम्रै हुने बताए ।
'द अल्टिमेट सेक्स डाइट' पुस्तकमा उल्लेख भए अनुसार आधा घन्टाको स्वस्थ यौनसम्बन्धमा १ सय ५० देखि २ सय ५० क्यालोरीसम्म र कहिलेकाहीं त ३ सय ५० क्यालोरीसम्म खर्च हुन्छ । तर यो मुख्य रूपमा यौनक्रियाका बेला तपाईंको क्रियाकलाप कस्तो रह्यो भन्नेमा निर्भर
हुन्छ । अनौठो कुरा के छ भने एक घन्टासम्म एकअर्कालाई चुम्बन गर्दा मात्रै पनि दुई सय क्यालोरी खर्च हुन्छ ।
पौरुष बढाउँछ एन्टिअक्सिडेन्टले
आजकल पुरुषहरू जस्तो जीवनशैलीको अभ्यस्त भइरहेका छन् त्यसले वीर्यको गुणस्तरमा असर परिरहेको छ । युनिभर्सिटी अफ वेस्टर्न अस्ट्रेलियाका अनुसन्धानकर्ता ऐम्ब्रोकाअनुसार भिटामिन 'ए' र बिटा क्यारोटिनसँग मिलेर बनेको एन्टिअक्सिडेन्ट पुरुषमा प्रजनन्शक्ति बढाउन सहयोगी हुन्छ । त्यस्तो एन्टिअक्सिडेन्ट शुक्रकीटलाई नोक्सान पुर्याउने तत्त्वसँग लड्छ र वीर्यलाई बढाउँछ ।
अनुसन्धानकर्ताहरूका अनुसार शुक्रकीट धेरै कमलो र संवेदनशील हुन्छ । बढी तनाव, क्याफिन, अल्कोहल र धूमपानको प्रयोग, बढी तौल र भिटामिनको कमीले गर्दा यसलाई नोक्सान पुग्छ । यसैले पुरुषलाई एन्टिअक्सिडेन्टको आवश्यकता हुन्छ ।
प्रकाशित मिति:
Friday, August 05, 2011
0 comments
Write Down Your Responses