नकारात्मक सोचका कारण मानिसको अल्पायुमै मृत्यु हुने मनोवैज्ञानिकहरुको ठहर छ ।
वैरभाव, क्रोध, नैराश्यता, क्लेश र चिन्ता जस्ता नकारात्मक सोच र अनुभूतिले मस्तिष्कको बायाँ गोलार्ध वा भागलाई क्रियाशील गर्नुका साथै हाम्रो शरीरको कोशिकाको संख्या घट्ने र कमजोर हुने हुन्छ र यसले मानिसको आयु घटाउँछ ।
संयुक्त राज्य अमेरिकाका ओहायो प्रान्तका मनोवैज्ञानिक डेभिड कुपरराईडर प्रवर्तक मानिएको सकारात्मक सोच अर्थात प्रशंसनीय दृष्टिकोण यस्तो अवधारणा हो जसका कारण मानिसमा प्रतिकूल र असहज परिस्थितिमा पनि धैर्य र निडर भएर आफ्नो जिम्मेवारी वहन गर्ने शक्ति रहन्छ ।
अहिलेसम्म भएका अनुसन्धानहरुबाट नकारात्मक सोचले मानिसमा रक्तचाप, चिनी रोग, दम, खोकी, टाउको दुःख्ने, पेटको गडबडी, अल्सर, मुट रोग, हड्डी सम्बन्धी रोगको खतरा दोब्बर बढाएको देखाएको छ ।