आज मे ३

 विश्व प्रेस स्वतन्त्रता दिवस । स्वतन्त्र प्रेसको ग्यारेन्टीको माग गर्दै विश्वभर यो दिवस मनाउने गरिन्छ । नेपालमा पनि प्रेस तथा अभिव्यक्ति स्वतन्त्रताको जगेर्ना , श्रमजीवी पत्रकारहरुको हित भन्ने नाराका साथ मनाइदैछ । श्रमजीवी पत्रकारको हक तथा हितको सुरक्षा र प्रेस स्वतन्त्रताको ग्यारेन्टीको माग गर्दै पत्रकारहरुको छाता संगठन नेपाल पत्रकार महासंघले विहान प्रभात फेरी गरेको छ ।
भृकुटीमण्डपबाट सुरु भएको प्रभात फेरी रत्नपार्क पुगेर पुनः भृकुटीमण्डपमा आई समापन भएको थियो ।
त्यसक्रममा नेपाल पत्रकार महासंघका अध्यक्ष शिव गाउँलेले नया संविधानमा प्रेस स्वतन्त्रतालाई कुण्ठीत गर्ने प्रयत्न हुन सक्ने भन्दै सचेत रहनुपर्नेमा जोड दिनुभयो । 
महासंघले दिवसको अवसरमा यसवर्षको कृष्णप्रसाद भट्टराई पत्रकारिता पुरस्कार जगदिश शर्मा तथा उमा सिंह साहसिक पत्रकारिता पुरस्कार उमेश शाहलाई प्रदान गर्ने भएको छ ।

नेपाल पत्रकार महासंघको अनुगमन इकाइको विवरण अनुसार यस वर्ष मात्रै प्रेस स्वतन्त्रता उल्लंघनका १२५ वटा घटना भएका छन् । जसमा १ जना पत्रकारले ज्यान गुमाएका छन्  । त्यस्तै ज्यान मार्ने धम्की, लुटपाट, सञ्चारगृहमा आक्रमण, पत्रपत्रिका जलाइएको लगायतका घटना भएका छन् ।
विसं २०५८ यता सशस्त्र द्वन्द्वका क्रममा ३३ सञ्चारकर्मीको मृत्यु भइसकेको छ भने तीन सञ्चारकर्मीको अवस्था अज्ञात रहेको महासंघले जनाएको छ ।



  http://osocio.org/

http://bushradio.wordpress.com