विश्व प्रेस स्वतन्त्रता दिवस । स्वतन्त्र प्रेसको ग्यारेन्टीको माग गर्दै विश्वभर यो दिवस मनाउने गरिन्छ । नेपालमा पनि प्रेस तथा अभिव्यक्ति स्वतन्त्रताको जगेर्ना , श्रमजीवी पत्रकारहरुको हित भन्ने नाराका साथ मनाइदैछ । श्रमजीवी पत्रकारको हक तथा हितको सुरक्षा र प्रेस स्वतन्त्रताको ग्यारेन्टीको माग गर्दै पत्रकारहरुको छाता संगठन नेपाल पत्रकार महासंघले विहान प्रभात फेरी गरेको छ ।
भृकुटीमण्डपबाट सुरु भएको प्रभात फेरी रत्नपार्क पुगेर पुनः भृकुटीमण्डपमा आई समापन भएको थियो ।
त्यसक्रममा नेपाल पत्रकार महासंघका अध्यक्ष शिव गाउँलेले नया संविधानमा प्रेस स्वतन्त्रतालाई कुण्ठीत गर्ने प्रयत्न हुन सक्ने भन्दै सचेत रहनुपर्नेमा जोड दिनुभयो । 
महासंघले दिवसको अवसरमा यसवर्षको कृष्णप्रसाद भट्टराई पत्रकारिता पुरस्कार जगदिश शर्मा तथा उमा सिंह साहसिक पत्रकारिता पुरस्कार उमेश शाहलाई प्रदान गर्ने भएको छ ।

रगतको परिक्षणबाट स्तन क्यान्सर लाग्ने वा नलाग्नेबारे पत्ता लगाउन सकिने बैज्ञानिकहरुले बताएका छन् ।
बेलायतमा गरीएको अध्ययनले जीनमा फेरबदल भइरहने महिलाहरुलाई स्तन क्यान्सर हुने सम्भावना बढी हुने देखाएको छ ।